كتير مننا بيحتاج يعرف مواصفات اللاب توب أو الكمبيوتر سواء علشان يشوف الجهاز يشغّل لعبة معينة ولا لأ، أو قبل البيع والشراء، أو علشان يعرف محتاج يغير رامات أو هارد. في جروب تقني، واحد كتب: "كنت بدور إزاي أعرف مواصفات اللاب قبل ما أبيعه، علشان ما أتضحكش عليا في السعر." المقال ده هيشرحلك كل الطرق: من الإعدادات، أوامر CMD، أو باستخدام برامج.
ليه لازم تعرف مواصفات جهازك (لاب أو كمبيوتر)؟
- تتأكد إذا كان الجهاز يشغّل الألعاب أو البرامج الكبيرة.
- تحدد إذا كنت محتاج ترقي (رام – هارد – كارت شاشة).
- تعرف قيمة جهازك في حالة البيع أو الشراء.
- تساعدك في حل مشاكل الأداء والبطء.
معرفة مواصفات اللاب أو الكمبيوتر على ويندوز 10 و 11
الطريقة الأولى: من الإعدادات
افتح Start → Settings → System → About وهتلاقي المعالج، الرام، نسخة الويندوز.
الطريقة التانية: باستخدام dxdiag
دوس Windows + R → اكتب dxdiag → Enter.
هيفتحلك نافذة فيها تفاصيل: المعالج، الرام، كارت الشاشة، إصدار النظام.
الطريقة التالتة: باستخدام Task Manager
دوس Ctrl + Shift + Esc → افتح تبويب Performance. هتلاقي بيانات مباشرة عن المعالج، الرام، الهارد، وكارت الشاشة.
معرفة مواصفات اللاب أو الكمبيوتر على ويندوز 7 و 8.1
الطريقة الأولى: من My Computer
كليك يمين على My Computer / This PC → اختار Properties. هتظهرلك نافذة فيها المعالج، الرام، نسخة الويندوز.
الطريقة التانية: باستخدام dxdiag
نفس الخطوات: Windows + R → dxdiag → Enter.
معرفة مواصفات اللاب عن طريق استخدام أوامر CMD و PowerShell
هتضغط على علامة الويندوز + R وتكتب cmd لو بتحب الأوامر، تقدر تكتب في CMD أو PowerShell الأوامر دي:
systeminfo
يعرض كل المواصفات الأساسية: نسخة الويندوز، المعالج، الرام في اللاب توب او pc.
wmic cpu get name, NumberOfCores, NumberOfLogicalProcessors
بيعرض نوع المعالج وعدد الأنوية والـThreads في أجهزة الكمبيوتر او اللاب.
wmic MEMORYCHIP get BankLabel, Capacity, Speed
بيعرض بيانات وامكانيات الرام في اللاب توب: السعة لكل شريحة وسرعتها
wmic path win32_videocontroller get name
اوامر عرض اسم كارت الشاشة في اللاب او الكمبيوتر.
wmic diskdrive get model, size
اوامر معرفة الهارد ديسك وسعته التخزينية ونوعه في اللاب توب او الجهاز المكتبي.
wmic baseboard get product, manufacturer, version, serialnumber
اوامر معرفة تفاصيل المازربورد (Motherboard).
driverquery
بيعرض قائمة التعريفات (Drivers) اللي متسطبة.
برامج تساعدك تعرف تفاصيل أكتر
- CPU-Z: يعرض تفاصيل دقيقة عن البروسيسور والرام.
- Speccy: بيطلع تقرير كامل عن الجهاز.
- HWMonitor: لمتابعة درجات الحرارة والأداء.
أسئلة شائعة
هل في فرق بين معرفة مواصفات اللاب والكمبيوتر؟
لأ، نفس الطرق والأوامر شغالة على الاثنين لكن الفرق إن الكمبيوتر المكتبي ممكن يبقى فيه أكتر من هارد أو كارت شاشة.
هل أقدر أعرف المواصفات من غير برامج؟
آه، الويندوز نفسه + أوامر CMD بيعرضوا مواصفات كافية، البرامج بس بتدي تفاصيل أعمق وبتكون بواجهة رسومية فبتكون أسهل.
إيه أهم المواصفات اللي لازم أبص عليها؟
المعالج، الرام، كارت الشاشة، والهارد دول أهم الحاجات اللى بيحددوا سرعة الجهاز وقدرته يشغّل ألعاب أو برامج تقيلة.
هل الأوامر دي آمنة؟
آه، كلها أوامر قراءة بس، مش بتغير أي إعدادات في النظام اللاب توب او الكمبيوتر سواء كان ويندوز 7 او 8.1 او 10 او 11.
الخلاصة
لو عايز تعرف امكانيات اللاب أو الكمبيوتر:
استخدم الإعدادات أو dxdiag أو Task Manager.
جرّب أوامر CMD زي systeminfo و wmic للتفاصيل الدقيقة.
ولو محتاج تقرير شامل + متابعة حرارة الجهاز، استخدم برامج زي CPU-Z و Speccy.