عند شرائك لجهاز لاب ماك بوك مستعمل على سبيل المثال جهاز macbook m1 2020 ما الامور التي يجب أن تضعها في إعتبارك، هل حالة البطارية مهمة وكيف يمكنك التعرف عليها، الحالة الخارجية للاب وهل به أي صدمات، باسور الفريم وار ،سنة إصدار الجهاز.
قبل شراء لاب ماك مستعمل ماذا أفحص؟
- أهم حاجه هي حالة البطاريه و عدد مرات الشحن ودي بتتعرف من خلال System Report، هتضغط على علامه آبل في اعلى الشاشة، About This Mac -> system report -> Power -> Cycle Count، كل ماكان العدد أكبر كل ماكان دليل على كثره أستخدام الجهاز وطبعا حالة البطاريه بتكون ضعيفه
- موديل الجهاز، كل ماكان الموديل حديث كل ماكان متوافق مع جميع البرامج والتحديثات وده تقدر تتأكد منه عن طريق قائمة About This Mac.
- الحاله الخارجيه للجهاز والتأكد من عدم وجود خبطات او اي خدش في الهيكل الخارجي، حاله المسامير هل متأكله دليل علي فتح الجهاز، مداخل ال usb ومدخل الشاحن .
- التأكد من عدم وجود firmware password او باسورد البورده و في حالة وجوده لازم تكون عارفه عشان من غيره مش هتقدر تفرمت الجهاز او لو السيستم وقع مش هتعرف تحط سيستم جديد. طب هتعرف ازاي هتدوس على زرار الpower وبعدين alt لو ظهرك مكان للـ password لازم تطلبه وتكون عارفه.
- الوان الشاشة، زي ماتأكدنا ان الشاشه تمام من الخارج لازم تتأكد من الداخل وألوانها تمام لازم تتآكد من ان الشاشه مفيهاش حتت مطفيه او خطوط او في ضوء زياده في مكان معين بالشاشه.
هذه هي أهم الأمور الجوهرية التي يجب مرعاتها عند تفكيرك بشراء أي موديل مستعمل من لابات ماك التابعة إلي شركة أبل.